بطاطس المشويه ( حلوة للرجيم )

البطاطس المشويه ( حلوة للرجيم )

المقادير :
.
3 حبه بطاطس متوسطه الحجم
4 معالق زيت ذرة او زيت زيتون
معلقة صغيرة بابريكا
معلقة صغيرة كارى
معلقة صغيرة كزبرة ناعمة
معلقه صغيرة ملح
معلقة صغيرة ثوم بودرة
معلقة صغيرة كركم
ربع معلقة شطه
ربع معلقة فلفل اسود
ربع معلقة زعتر
بشر قشر ليمونة

الطريقة :

هتغسلى البطاطس وتقشريها وتقسمى البطاطس نصفين بالطول وبعدين تقطعى كل نصف اربع اصابع يعنى هتقطعى البطاطس على 8 اصابع
حطى البطاطس فى صينيه الفرن اللى هتسوى فيها
وهاتى طبق صغير وحطى فيه الزيت وبشر الليمون وحطى معاهم كل التوابل الملح والفلفل الاسود والكارى والكركم والزعتر والثوم البودرة والكزبرة والشطة وقلبيهم كويس مع بعض ورشى خليط التوابل على البطاطس فى الصينيه وقلبيهم كويس مع بعض لغايه ما البطاطس تختلط كويس مع خليط التوابل
رصى بقى البطاطس فى الصينيه ورتبيهم.. واحده جمب واحده علشان تستوى اسرع وحطى الصينيه فى الفرن على درجة حراره 200 وهتستوى خلال 25 او 30 دقيقه تقريبا
اول ما تحطى الشوكة فى قلب البطاطس وتلاقيها استوت اطفى عليها ورصى البطاطس فى طبق التقديم

اللى مش عامل دايت ممكن يرش عليها كاتشب او مايونيز

بجد البطاطس دى روعه .. وخفيفه اوى فى الاكل والزيت فيها قليل خالص وطعم التوابل مع البطاطس تحفه بصراحه
جربوها وقلولى رأيكم

 نرجوا منكم مساعدتنا فى نشر الصفحة بالضغط على الرابط التالى

SHARE IT

للمزيد من الوجبات و اشهى الحلويات like و زوروا صفحتنا على الفيسبوك

http://www.facebook.com/aklatcom