كيكة الزبادى بدون سمن " للرجيم "
المقادير :
2 كوب دقيق
كوب سكر
2 كوب زبادى
4 بيضات
فانيليا
باكو بيكنج بودر
شربات : كوب ماء - كوب سكر - عصير نص ليمونه - فانيليا
للتزيين : جوز هند
الطريقة
فى الخلاط هنضيف الزبادى والسكر ونضربهم كويس اوى لغايه ما السكر يدوب خالص
وفى طبق صغير نضرب البيض والفانيليا كويس وبعدين نضيفهم على الزبادى والسكر فى الخلاط ونضربهم كلهم مع بعض ويصب الخليط ده فى الطبق اللى هنعجن فيه ونضيف عليه الدقيق والبيكنج بودر ويعجن جيدا بمضرب سلك حتى يختلط الدقيق مع باقى المكونات ونصب خليط الكيكه فى صنيه متوسطه مبطنه بالسمن والدقيق وندخلها الفرن على درجه حراره متوسطه ومنفتحش الفرن عليها قبل تلت ساعه علشان مش تهبط وبعد نص ساعه نختبر الكيكة بطرف سكينة لو حطيناها فى وسط الكيكة وطلعت نظيفه يبقى استوت لكن لو طلع فيها عجين يبقى لسه الكيكة محتاجه سوا
وعبال ما الكيكه تستوى نكون جهزنا الشربات ولما يبرد نحطه فى التلاجه يسقع وبعد ما تستوى الكيكه نطلعها ولما تهدى شويه نخرم الكيكة بالشوكة ونصب عليها الشربات الساقع وهى سخنه بالتدريج لغايه ما تتشرب الشربات والشربات يتخلل فى الخروم اللى احنا عملناها بالشوكة
خدى بالك ان لو الشربات سخن والكيكه سخنه ... الكيكه هتعجن من جوه..
وممكن تزيينيها بجوز الهند او المكسرات حسب الرغبة
وممكن نزود مقدار السكر اللى حطناه فى الكيكة ونخليه كوب ونص
وكده ممكن نستغنى عن الشربات .. يعنى لو زودنا السكر فى خليط الكيكة كده مش هنحتاج نحطلها شربات بعد ما تستوى
نرجوا منكم مساعدتنا فى نشر الصفحة بالضغط على الرابط التالى
للمزيد من الوجبات و اشهى الحلويات like و زوروا صفحتنا على الفيسبوك
ليست هناك تعليقات :
إرسال تعليق
اكتب تعليقك